Доктор Фанка Гилевска оваа година е финалист на Меѓународните награди Медис за медицинско истражување (International Medis Awards for Medical Research).

Меѓународниот натпревар Медис за медицинско истражување е интернационален натпревар за извонредни истражувачки достигнувања во девет земји од Централна и Југоисточна Европа и опфаќа девет медицински области.

Познат и како „Оскари за научници“, овие награди се доделвуваат како почит за извонредните доктори и фармацевти кои покрај редовната работа, спроведуваат и истражувања без кои нема иновации во медицината и фармацијата, ниту ефикасно справување со болестите.

Д-р Фанка Гилевска е еден од двата финалисти во полето на офталмологијата во кое учествува со научното истражување извршено во Систина Офталмологија на тема : „Дали може да се предвидат промените во видната острина и астигматизамот по крос-линкинг третман на кератоконус? (Are changes in visual acuity and astigmatism after corneal cross-linking (CXL) in keratoconus predictable?) кое беше објавено во  Граефес Архива за Клиничка и Експериментална офталмологија (Graefes Archive for Clinical and Experimental Ophthalmology). 

Д-р Фанка Гилевска е специјалист офталмолог чија област од посебен интерес е дијагностика и третман на болести кај лица со дијабет, рефрактивна хирургија, дијагностика и третман на кератоконус. Во 2012 година д-р Фанка Гилевска ја добива наградата на Меѓународен конгрес со тема „Корелација помеѓу дијабетичен едем на макула и видна острина“ во Брач, додека во 2015 година ја добива наградата „Зерголен Чупак“ за најдобар млад офталмолог, со темата „ЛАСИК – први искуства“ во Загреб.

Настанот ќе се одржи на 25-ти ноември 2021 во Љубљана, Словенија. Оваа година финалисти на натпреварувањето се медицински лица од Австрија, Унгарија, Словенија, Хрватска, Србија, Босна и Херцеговина.

Прочитајте повеќе за настанот на официјалната страна на International Medis Awards for Medical Research.